Непознат сторител на 19 мај од 19:30 до 22:40 часот, на улица „Козле“ во Скопје, користејќи згодна прилика извршил тешка кражба во куќа сопственост на М.Г.(55).
Одзел 5.700 евра и поголема количина златен накит со што се стекнал со противправна имотна корист во вкупна вредност од 840.000 денари.
Истиот ден, 19-ти мај, непознат сторител од 20:15 до 24 часот, на улица „Теодосиј Синаитски“ во Скопје, со употреба на погоден предмет извршил тешка кражба во куќа сопственост на Н.П.(41).
Притоа одзел 57.000 евра, 800.000 денари и поголема количина златен накит со што се стекнал со противправна имотна корист во вкупна вредност од 3.420.000 денари.
Се преземаат мерки за откривање на сторителите.