Две тепачки биле пријавени во текот на вчерашниот ден на Клиниката за пулмологија во Комплексот „Мајка Тереза“ во Скопје.
Според МВР, вчера околу 13.00 часот било пријавено дека на клиниката бил нарушен јавниот јавниот ред и мир со физичка пресметка меѓу Т.С.(47) и А.Р.(21).
Десетина минути подоцна 46-годишна скопјанка пријавила дека во 13.10 часот на истата клиника, по вербална расправија со вработен во клиниката, била физички нападната од него.
„Полициски службеници излегле на местото на настанот, направени се записници за констатиран прекршок по чл. 11 од ЗППЈРМ и се преземаат мерки за целосно расчистување на случајот“, соопштуваат од полицијата.
