Две понуди на повикот за иновативни решенија за заштита од болнички инфекции

Два економски оператора доставиле понуди за доделување Договор за јавно приватно партнерство за интегрирано менаџирање со иновативни решенија за хируршки зафати и здравствена заштита од болнички инфекции. Рокот за поднесување понуди беше до денеска до 12 часот преку Електронскиот систем за јавни набавки.

– Евалуацијата на понудите ќе биде извршена во најкраток можен рок и согласно одредбите од Законот за јавни набавки, по што постапката ќе продолжи со електронска аукција која ќе се спроведе преку Системот за електронски аукции на Министерството за економија. По рангирањето и спроведената електронска аукција како последна фаза од постапката, Комисијата треба да донесе Одлука за избор на најповолниот понудувач – приватен партнер за интегрирано менаџирање со иновативни решенија за хируршки зафати и здравствена заштита од болнички инфекции, информира Министерството за здравство.

Во законскиот период (29 март 2019 – 6 јуни 2019) вкупно седум компании (домашни и меѓународни) изразиле интерес и подигнале тендерска документација за учество на овој отворен повик, а во периодот наменет за прашања и одговори, како што информира Министерството за здравство, во рок и уредно било одговорено на прашањата добиени од економските оператори.

Постапката се спроведува согласно со Законот за концесии и јавно приватно партнерство и Законот за јавни набавки, а врз основа на донесената Одлука на Владата на Република Северна Македонија од 29 јануари 2019 година за отпочнување постапка за доделување договор за воспоставување јавно приватно партнерство за интегрирано менаџирање со иновативни решенија за хируршки зафати и здравствена заштита од болнички инфекции.

Би можело да ве интересира

Досега вакцинирани 32.653 лица со МРП вакцина, минатата недела нови 10 заболени

Ана Ололовска

Од денеска достапен лекот Пирфенидон за пациентите со идиопатска белодробна фиброза

Ана Ололовска

Во Галичник почнува со работа летната патронажна медицинска служба

Ана Ололовска

Во земјава има вкупно 183 амбулантни возила, просечно стари по 11 години

Ана Ололовска

Увидот ќе ги покаже причините за несреќата кај кумановско Черкезе, институциите подготвени да делуваат

Татјана Ташкова

(ВИДЕО) Николов: Дончев и Филипче да одговорат, дали со нивни амин се празни касата на ФЗОМ и Министерството за здравство?

Ана Ололовска