Полицијата извести дека вчера во 20.45 часот на улицата „Иво Лола Рибар“ во Тетово, полициски службеници од СВР Тетово ги уапсиле А.Ш.(19) и Х.Ш.(22).
Тие се сомничат дека околу 20.20 часот пред објект на приватна фирма – брза пошта во Тетово со закана со огнено оружје кон вработениот и уште едно лице, од возилото кое го товарале одзеле три коверти со пари и документи.
При приведувањето кај Х.Ш. бил пронајден и одземен нож. Лицата биле задржани во полициска станица и по целосно документирање на случајот против нив ќе бидат поднесени соодветни пријави.