Со тешка повреда по главата од удар со мотика, се здобил Љ.А. (45) од тетовското село Мерово, додека со убодна рана во стомакот 31 годишниот меровчанец Ш.С., по вербална расправија со нивниот соселанец М.С.
На двајцата повредени им била укажана лекарска помош во тетовската клиничка болница, но поради сериозноста на повредата Љ.А. бил пренесен во скопските клиники.
Тепачката се случила вчера во попладневните часови кај месноста „Стара воденица“ на пат за Мерово. Според првичните полициски сознанија, расправијата ја предизвикал Љ.А., кој и ги нападнал таткото М.С. и неговиот син Ш.С. Во еден момент напаѓачот употребил и нож со кој го прободел во стомакот својот соселанец Ш.С. Тогаш таткото М.С. се послужил со мотиката што ја носел со себе, удирајќи го напаѓачот по главата.
Тетовската полиција извршила увид на лице место и работи на целосно расветлување на случајот.