Две лица се повредени во сообраќајката во која учествувале вкупно пет возила, две во движење и три паркирани, што се случила денеска околу 11 часот и 30 минути на регионалниот пат Тетово-Јажинце во близина на фабриката „Ренова“ кај Непроштено информираше портпаролот на СВР Тетово Марјан Јосифовски.
– Во сообраќајката најпрво се судриле „ БМВ“ со тетовски регистерски таблици што го управувал М.И (39) од Теарце и „Фиат пунто“, исто така, со тетовски таблици управувано од Џ.А (51) од Нераште по што удриле во три паркирани возила во близина на местото од сударот. Во несреќата возачите на двете движечки возила се здобиле со телесни повреди, пренесени се и задржани на лекување во тетовската клиничка болница а причинета е и значителна материјална штета, истакна Јосифовски.
По овластување на јавен обвинител, увид извршила екипа од СВР Тетово.
-Се расветлуваат причините и се друго поврзано со несреќата, рече Јосифовски.
