Две лица под истрага за кривично дело – трговија со дете

Од:

По наредба на јавен обвинител од Основното јавно обвинителство за гонење на организиран криминал и корупција поведена е истражна постапка против две лица, македонски државјани, за кои постои основано сомнение дека сториле кривично дело – трговија со дете.

-Во текот на месец април годинава, во село Бучим, радовишко, првоосомничениот, кој е малолетник, со употреба на сила, измама и присилба, искористувајќи ја немоќта на жртвата, ја подвел својата петнаесетгодишна роднина на присилен брак. Тој, заедно со второсомничениот кој знаел за возраста на девојчето, претходно се договориле за сума од 1.600 евра да му ја донесе својата роднина.

На 17-ти минатиот месец, првоосомничениот го земал девојчето и го однел на договореното место каде второосомничениот ја исплатил побараната сума и го повел со себе девојчето кое пружало отпор при што врз него употребил физичка сила, психолошко насилство и обид за обљуба, соопшти Јавното обвинителство.

Девојчето искористило момент и избегало, по што се јавило на домашните со кои подоцна го пријавила настанот во Полициската станица Радовиш.

Ценејќи дека се исполнети условите, надлежниот јавен обвинител до судијата на претходна постапка при Основниот суд Скопје 1 доставил Предлог за определување на мерка притвор за двете осомничени лица.

Судијата на претходна постапка го прифатил предлогот на Обвинителството и со решение за едниот осомничен изрече мерка притвор во траење од 30 дена, додека за малолетникот се изречени мерки на претпазливост од страна на судијата за малолетници.

Би можело да ве интересира

Шанса за Центар: Вистината за планот за Треска, наместо 1500 ќе се населат 5000 жители

Предраг Петровиќ

Како малиот бизнис „Сакаш“ преку Wolt го забрза својот развој

Предраг Петровиќ

Откако мечка се појави на булеварот во Дебар: Не трчајте, побрза е од вас

Предраг Петровиќ

Мицкоски: Јакимовски мора да биде минато во Kарпош, потребна е промена за крај на бетонизацијата

Ѓорѓиевски: На Шуто Оризари му е доста од хаос и запоставеност, мојот концепт е Скопје еднакво за сите граѓани

Мицкоски: Хаќим Рамадани откако ќе ги изгуби најпрво изборите тука во Брвеница, ќе биде разрешен од позицијата