Две лица починаа од повредите кои ги добија во сообраќајната несреќа што се случи утринава на магистралниот пат Гостивар – Кичево, во близина на мостот кај село Колари.
Според првичните информации од МВР, несреќата се случила околу 10:30 часот кога се судриле комби и патничко возило „форд-фиеста“.
Двете лица кои биле во фордот, маж и жена, вработени во едно од министерствата, починале на самото место, додека возачот на комбето, минал со полесни повреди, а неговата сопруга која била на совозачко седиште, со скршеници е пренесена на скопски клиники.
Во тек е увид по кој треба да бидат познати детали за причините за несреќата.
