Две лица загинаа, а едно е тешко поврдено, во сообраќајната несреќа што се случи изутрината во 6 часот и 10 минути на магистралниот пат Струмица-Радовиш меѓу селата Владевци и Радичево.
МВР соопшти дека директно се судриле патничко моторно возило „Венто“ со штипски регистерски ознаки управувано од Т.Г.(46) и камион „Мерцедес“ со велешки регистерски ознаки управувано од М.М.(33). Од здобиените повреди на самото место починале Александар А.(25) од штипското село Карбинци, сопатник во патничкото возило и Павлина Г.(72) од с.Раброво, сопатник во камионот.
Со тешки телесни повреди се здобил возачот на автомобилот „Венто“ и тој со возило на брза помош бил пренесен во Медицискиот центар-Струмица за укажување на лекарска помош.
Извршен е увид и се работи на целосно расчистување на случајот.
Поради сообраќајната несреќа, сообраќајот на патниот правец Струмица – Радовиш целосно беше во прекин до 11:30 часот.