Еден возач и еден сопатник загинале во сообраќајна несреќа, а двајца велосипедисти се потешко повредени во две сообраќајни незгоди што се случиле викендов на подрачјето на Скопје. Со лесни телесни повреди се здобиле 29 лица во 16 сообраќајни незгоди.
Според полицискииот билтен, на подрачјето на Скопје викендов се случиле вкупно 34 сообраќајки, а од нив во 15 е причинета материјална штета.
Вкупно 180 возачи возеле побрзо од дозволеното, а од сообраќај се исклучени и 21 лице кое возело под дејство на алкохол. Сообраќајната полиција исклучила од сообраќај и 33 возачи пред да се стекнат со правото за управување на возило и шест возачи почетници, како и 26 нерегистрирани возила.
Единаесет возачи поминале на црвено светло, а 27 возачи немале соодветна зимска опрема.
Издадени се 125 казни за непрописно паркирање, а со специјалното возило „пајак“ подигнати се 74 возила.