Двајца пожарникари се хоспитализирани, по пожарите што попладнево избувнаа на територијата во Кочани. Петмина граѓани, пак, побарале помош, откако вдишале од чадот, додека ги спасувале своите куќи.
„Пожарникарите вдишале чад и се хоспитализирани. Во стабилна состојба се и со лесна клиничка слика. Петмина граѓани се пријавија во болницата поради потешкотии со дишењето, а по пружената помош, тие се пуштени на домашно лекување“, велат за „А1он“ од кочанската болница.