Во СВР Велес било пријавено дека на регионалниот пат Велес-Градско, во близина на клучка Караслари, се случила сообраќајна несреќа помеѓу товарно возило „волво“ со приколка управувано од Д.Н.(28) од с.Ваташа и возило „фолксваген поло“ управувано од Х.У.(61) од Косово.
Во несреќата со тешки повреди се здобил возачот на возилото „фолксваген поло“, додека со повреди се здобил неговиот сопатник П.К.(60) од с.Долно Соње, општина Сопиште, констатирани во Општата болница Велес.
Од полицијата велат дека е извршен увид од увидна екипа од СВР Велес.