Две лица се повредени во сообраќајната несреќа што денеска по 15 часот се случи на патот Берово-Делчево на делницата меѓу Стојмирово и Берово.
До сообраќајната несреќа дошло кога директно се судриле „голф 4“ со штипски таблички и „матиз даеву“ со беровска регистрација.
Во несреќата повредени се возачот и сопатникот во матизот и тие се пренесени во болница во Берово.
Поради увидот, сообраќајот беше блокиран, а голем дел од луѓето кои присуствуваа на прославата во манастирскиот комплекс „Св. Богородица – Балаклија“ останаа заглавени на патот.
