Двајца потешко повредени во сообраќајката на патот за Копаоник

Од:

Две лица се тешко повредени во сообраќајната несреќа што се случи денеска на автопатот Прокупље-Блаце, кога околу 10 часот се преврте автобус од Северна Македонија, кој превезувал патници до Копаоник.

Сообраќајната несреќа се има случено кај месноста Крива Ќуприја, меѓу Блаце и Белољина. Според првичните информации, автобусот бил на туристичката агенција Камелија од Скопје.

Според досегашните информации, две лица се тешко повредени и се пренесени во болницата во Прокупље.

Во несреќата се повредени 26 лица, од кои 18 се згрижени во болницата во Блаце, додека 8 се згрижени во болницата во Прокупље. Според првични информации од лекарите, згрижените се надвор од животна опасност, додека едно лице во Прокупље е потешко повредено. Засега се сите контактибилни, но за секој случај во болницата во Прокупље се врши и компјутерска томографија за да се утврди прецизно состојбата на повредените. Според неофицијална информација од Болницата во Блаце, Србија, патниците биле претежно од Радовиш, информираат од МВР.

На терен е и надлежен јавен обвинител.

-Екипата за Итни случаи на нашиот здравствен центар веднаш излезе на теренот, им помогна на повредените и во тек е нивно згрижување, потврдено е од Здравствениот дом во Блаце.

Засега не е позната причината за несреќата, а овој пат, на кој има чести сообраќајни несреќи, е во фаза на реконструкција од минатиот месец, со посебен режим на сообраќај во зависност од работите.

Би можело да ве интересира

Украдени бисти на Крсте Петков Мисирков и Ѓорѓија Пулевски, оштетена на Кочо Рацин

Турчин со капак од шахта се обидел да убие сонародник во центарот на Скопје

Во Калиманско езеро пронајденот телото на жена која беше пријавена за исчезната

Стружанец пијан возел мотор, излетал од патот

Девојче од Скопје дало 25 илјади евра на двајца соученици кои му се заканувале на нејзиниот помал брат

Пијан и без дозвола, велешанец направил три сообраќајки

Катерина Ѓуровски