Двајца починати, 21 новозаразен и 38 оздравени пациенти. Ова се податоците од последниве 24 часа за состојбата со Ковид-19 во земјава.
Од Министерството за здравство информираат дека на Клиниката за инфективни болести и фебрилни состојби починал пациент од Скопје на 50 години, хоспитализиран на 6 април, кој 17 дена бил на механичка вентилација. На Клиниката за онкологија почина пациент на 51-годишна возраст, чиј позитивен резултат на Kовид-19 пристигнал вчера.
Во изминатите 24 часа направени биле 279 тестирања, а потврден е 21 нов случај на Ковид-19 и тоа во: Скопје – 7, Куманово – 6, Прилеп – 4, Тетово – 1, Пехчево – 1, Делчево – 1, Струга – 1.
Денеска Институтот за јавно здравје регистрирал 38 оздравени пациенти, од кои најмногу, 19, во Скопје, девет во Струга, четворица во Битола и по тројца во Тетово и во Гостивар.
Со ова, вкупната бројка на Ковид дијагностицирани во нашата земја изнесува 1442.
Бројката на оздравени пациенти е 627, на починати е 73, а во моментов бројот на активни случаи во земјата изнесува 742.
По завршување на епидемиолошка анкета, за две лица кои во вчерашниот извештај на ИЈЗ беа заведени во Кавадарци, е утврдено дека се жители на Демир Капија. Во денешниот извештај на ИЈЗ ќе биде направена исправка и тие ќе бидат заведени во Неготино, бидејќи Демир Капија спаѓа во оваа подрачна единица. Согласно ова, последната дистрибуција по градови е следна:
Скопје – 493
Куманово – 384
Дебар – 51
Штип-34
Прилеп –147
Тетово – 76
Струга – 66
Велес – 69
Битола –19
Охрид –15
Кавадарци – 5
Гостивар –17
Гевгелија – 4
Струмица – 2
Крива Паланка-5
Радовиш – 4
Крушево – 3
Кочани – 28
Пробиштип – 2
Кичево – 2
Неготино -7
Демир Хисар – 1
Македонски Брод -2
Пехчево- 2
Делчево-1
Валандово -1
Виница – 2
Досега во земјата се направени вкупно 16.050 тестирања на Ковид -19.
На Клиниката за инфективни болести и фебрилни состојби примени се 2 нови пациенти, а хоспитализирани вкупно 52. На кислородна поддршка се 28, а на механичка вентилација 3 пациенти.
Во ГОБ „8 септември“ примени се примени 8 нови, а вкупно хоспитализирани 35. Со потешка клиничка слика се 5,а на респиратор вкупно 6 пациенти.
Во болницата во Битола се лекуваат 5, а на домашно лекување се следат 4 пациенти. Во болницата во Штип се хоспитализирани 3 пациенти, а уште 6 се следат на домашно лекување. На инфективните одделенија во Тетово, Гостивар, Куманово, Велес и Прилеп се лекуваат 42 позитивни и суспектни на Ковид-19.