Двајца од повредените во автобуската несреќа денеска се транспортираат во Македонија

Од:

Во текот на денешниот ден се очекува од Бугарија да пристигнат двајца, од седумте преживеани пациенти од тешката автобуска несреќа што се случи на 23 ноември на автопатот „Струма“, соопшти министерот за здравство Венко Филипче.

„Утринава разговарав со директорот на болницата и двајцата пациенти се испуштаат во добра здравствена состојба. Станува збор за 17-годишна девојка и за уште еден пациент, кои ќе бидат сместени на Клиниката за пластична хирургија“, рече Филипче.

Тој рече дека откако двајцата пациенти ќе пристигнат во Македонија, ќе се направи проценка колку долго ќе бидат хоспитализирани, пред да бидат пуштени на домашно лекување.

Воедно, ангажирани се и лекари од Клиниката за психијатрија, со цел психолошка поддршка на преживеаните од автобуската несреќа.

Се очекува уште тројца пациенти од оние кои ја преживеаја несреќата, во земјава да бидат транспортирани в понеделник.

Би можело да ве интересира

Одземена лиценцата на „Беса Травел“

Ана Ололовска

Утре ќе биде поништена лиценцата за туристичка дејност на „Беса транс“

А1он

Трагедии, пожари, избори, заминување на Заев, Европско во фудбал – Македонија во 2021

Еден месец по автобуската несреќа обновен сообраќајот на автопатот Струма

А1он

Еден месец по автобуската несреќа во Бугарија, истрагата би требало да заврши до викендов

Филипче пред заминување: Најмногу жалам што не успеавме да го почнеме новиот клинички центар

Маја Илиевска-Пачемска