МВР извести дека вчера во 6.30 часот, полициски службеници го уапсиле Р.Б.(27) од село Николиќ, општина Дојран и С.С.(31) од Нов Дојран.
При претрес во нивните домови, извршени со судска наредба, биле пронајдени и одземени повеќе предмети кои потекнуваат од тешки кражби и кражби извршени во туристички капацитети и викенд куќи на подрачјето на Нов и Стар Дојран.
Уапсените биле задржани во полициската станица во Гевгелија и за случајот бил запознаен Јавен обвинител од Основното јавно обвинителство Гевгелија.
Против Р.Б. е поднесена кривична пријава поради сомнение дека сторил седум кривични дела „тешка кражба“ и две кривични дела „кражба“, од кои пет биле извршени во 2023 година, а останатите во 2021 и 2022 година. Лицето било изведено пред Судија на претходна постапка, кој му определил мерка притвор.
