Двајца македонски државјани фатени со 137 килограми марихуана на ГП Ѓуешево

Од:

На граничниот премин Ѓуешево, фатени се двајца Македонци со 137 килограми марихуана, јавија денеска бугарските меидуми.

Под раководство на Окружното обвинителство во Ќустендил се води истрага за шверц на наркотични супстанции преку граница – кривично дело според член 242, став 2, во врска со член 20, став 2 од Кривичниот законик.

На 18 декември 2024 година, околу 22:30 часот, на влезот за камиони на ГП Ѓуешево пристигнале две товарни возила со регистарски таблички од Северна Македонија, натоварени со руда за Турција.

Царинските инспектори ги селектирале возилата за детална контрола. Во приколката на вториот камион биле пронајдени специјално изработени скриени прегради во дрвените хоризонтални рамки. Во нив биле откриени 320 пакети со наркотична супстанција – марихуана, со вкупна тежина од 137,045 килограми.

Возачите на камионите, македонските државјани Г.Н. и И.М., се осомничени и обвинети во постапката.

Со одлука на јавниот обвинител, лицата се задржани во притвор во траење од 72 часа. Во наредниот период ќе биде побарано судско определување мерка „притвор“ за обвинетите.

Би можело да ве интересира

Минчев: Македонија е решена да стане модерна европска држава, тоа не може да се постигне со стари навики

Горан Наумовски

Мицкоски: Македонскиот идентитет за мене не е само кујната туку и македонските револуционери Делчев, Груев и Сандански

Пронајдени двајца починати мажи во Тетовско

Запленети околу 100 килограми марихуана во Струмица, лишени од слобода три лица

Пожарот кај хотелот „Њу стар“ во Визбегово е локализиран, гореше дива депонија

Нестабилност проследена со пороен дожд, засилен ветер, грмежи и град попладнево зафати повеќе делови од земјава