Тројаца албански државјани од кои двајца биле без регулиран претстој се откриени вчера околу 14 часот при претрес во куќа на Б.Б.(45) во тетовско Камењане, информираше денеска портпаролот на СВР Тетово Марјан Јосифовски.
Според Јосифоски, претресот бил реализиран со судска наредба, при тоа со нерегулиран претстој биле затекнати 19-годишен жител од Либражд и жител од Подградец на возраст од 48 години.
– Двајцата албански државјани кои непријавено престојувале на подрачјето, се приведени и предадени во Полициската станица Гостивар, а потоа на Отсекот за прекуграничен криминал, миграции, странци и реадмисија за натамошна постапка. На двајцата им е изречена едногодишна забрана за влез во Република Македонија по што вчеравечер се депортирани во нивната матична земја, изјави Јосифовски.