Двајца 30-годишни скопјани синоќа се пронајдени мртви во викендичка во гостиварското село Горна Ѓоновица. Случајот, како што соопшти полицијата, бил пријавен синоќа нешто пред полноќ во гостиварската полиција.
– Станува збор за Т. Ј. (30) и И. Н. (30), двајцата од Скопје. Лекар констатирал смрт без видливи траги на насилство. По наредба на јавен обвинител, телата се предадени на обдукција, со цел да се утврди точната причина за смртта – се вели во соопштението.
Увид на местото извршиле јавен обвинител и екипа од СВР Тетово.