ДУИ попладнево одржа изборен митинг во Дебреште, општина Долнени на кој лидерот на партијата Али Ахмети вети многу проекти за подобрување на животниот стандард.
Пред своите сограѓани актуелниот градоначаник и кандидат за овие локални избори Абдул Бајрамоски потсети на реализираните проекти во изминатите четири години ставајќи го акцентот на селата во кои живеат граѓани од албанска националност Дебрешта, Лажани, Житоше, Црнилиште и Десово. Според најавите овие пет села ќе бидат во фокусот на изборната програма на Бајрамовски и за следните четири години.
– Имаме реконструкција на водовод, на цевковод на стар водовод во населените места Дебриште во вредност од 90 илјади евра водовод за кој целата документација е завршена и се чека изградбата. Планирана е и изградба на прочистен цевковод во село Житоше со резервоар, со вредност од 107 милиони евра, рече Бајрамоски.
Лидерот на ДУИ Али Ахмети ги повика граѓаните од петте села населени претежно со население од албанска националност да гласаат за Бајрамовски.
– Јас мислам дека овде во Црнилиште, Житоше, нема да згрешите ако му го дадете вториот мандат на сегашниот градоначалник и кандидат за иден градоначалник, рече Ахмети.