Вицепремиерот за евроинтеграции Фатмир Бесими денеска на прес-конференција ги претстави политичката платформа на ДУИ и програмата за претстојните локални избори.
Бесими нагласи дека ДУИ останува сериозен партнер на граѓаните. Дадениот збор го остварува и се што вети, реализира.
– Во изработката на нашата програма беа вклучени кандидатите за градоначалници, домашни, регионални и меѓународни експерти, како и граѓаните. Програмата е продолжение на политичкото дејствување на ДУИ и уште еден показател дека локалните избори за нас се важни исто како и парламентарните, рече Бесими.
Тој потенцираше дека процесот на децентрализација како дел од рамковниот договор придонел за доближување на локалната власт до граѓаните, а на општините им овозмжил поголем буџет, управување со градежното земјиште, вклучување на родителите во училиштата.
Во однос на поединечните проекти Бесими истакна дека на годишно ниво во околу 37 општини каде ДУИ излегува со свои кандидати се планирани по 1.500 проекти или над 6.000 зафати во следните 4 години. Со програмате се наведени по три приоритени проекти за секое населено место во определена општина.
На преставувањето на предизборната програма на ДУИ во партиското седиште во Тетово присуствуваа министри и заменици министри, како и повеќе градончалници и носители на советнички листи од редовите на оваа партија.
