Демократската унија за интеграција (ДУИ) ја поздравува одлуката на Североатлантската алијанса – НАТО за формална покана на Црна Гора за членство во НАТО.
Како што стои во денешното соопштение, ДУИ цени дека тоа е најправедниот и најсигурниот пат за долгорочен мир и стабилност за сите народи и држави во регионот.
– За жал, Република Македонија неколку пати ја губи оваа шанса, поради спорот за името со Грција. Сепак, ДУИ и понатаму ќе даде свој безрезервен придонес за побрзо решавање на овој спор, се со цел и нашата држава да биде дел од оваа голема политичко – воена алијанса, се наведува во соопштението од ДУИ.
За ДУИ, интегрирањето на Македонија во НАТО и ЕУ остануваат едни од главните приоритети, без кои, се наведува, не може да има демократски напредок во земјата и регионот.
