ДУИ бара одговори од власта: Која била одговорноста на агенцијата „Рубикон“ при обезбедувањето на „Пулс“?

Од:

Демократската унија за интеграција (ДУИ) бара целосна транспарентност од владата и Министерството за внатрешни работи во врска со активностите и одговорноста на агенцијата за обезбедување „Рубикон“ во трагичната ноќ во Кочани. Оваа агенција, блиска до владејачката партија, била одговорна за безбедноста на кабарето во Кочани во ноќта кога се случи трагедијата што одзеде 59 невини животи, велат од ДУИ.

– Затоа, владата има обврска да и даде на јавноста јасни одговори: Кои се другите клиенти на „Рубикон“? Дали имале регуларни безбедносни договори и лиценцирани обезбедувачи? Дали МВР некогаш извршило инспекција или контрола врз оваа агенција? Дали оваа компанија се штити поради нејзините врски со власта? Дали е вистина дека агенцијата уценува компании да ја ангажираат, повикувајќи се на нејзината блиска поврзаност со високи партиски авторитети? Наместо да ја користи правдата за да ги напаѓа политичките противници, владата треба да преземе одговорност за своите неуспеси и за оние кои навистина се одговорни за оваа трагедија. ДУИ бара целосна, непристрасна и праведна истрага за овој случај, како и одговорност од сите кои дозволиле да се случи ваква ситуација. Граѓаните ја заслужуваат вистината, а не политички игри и прикривање на скандали, тврдат од партијата.

Би можело да ве интересира

Сиљановска-Давкова ги посети повредените од пожарот во Кочани кои се лекуваат во Софија

Горан Наумовски

ДУИ: Премиерот денес потврди: Државата е заробена

Тошковски: За трагедиите во Модуларната болница, Ласкарци и Беса транс има нула кривични пријави, за Кочани досега две со 34 опфатени лица

Извршена и втората исплата за поддршка на настраданите во Кочани преку Црвениот Крст

Еден пациент од Австрија се враќа денеска во државата – странски тимови за рехабилитација се пристигнати во нашите центри

Катерина Ѓуровски

(ВИДЕО) Крмов иницира Надзорна расправа за трагедијата во Кочани