„Давање на мандатот на ВМРО-ДПМНЕ за формирање на Влада без да презентира дека има мнозинство во Парламентот, се покажа крајно неодговорно, кршење на Уставот и продлабочување на кризата.
Граѓаните очекуваат промени на подобро, а не пазарења со националните и државните интереси. Албанците што гласаа за и против ДУИ исто така се за промени, така да ДУИ нема голем маневарски простор преку тајни преговори да глуми дека ќе ги разреши сите отворени проблеми.
Засега е кристално јасно дека ВМРО-ДПМНЕ и ДУИ немаат мнозинство и дека не се во можност да формираат Влада. Тоа Али Ахмети го знае и затоа ДУИ треба да соопшти дека немаат доволно поддршка за избор на Влада.
Но и без тоа набрзо ќе се види апсурдноста на губењето време со некаква националистичка платформа за дневно политички потреби.
Никола Груевски треба да го врати мандатот и истиот да се даде на партиите кои јавно ќе презентираат дека имаат 61 пратеник, колку што се потребни за избор на Влада“, соопштуваат од Демократскиот сојуз.