Државата се подготвува да национализира дел од инфраструктурата со која се овозможува користење на интернет, телевизија , фиксна телефонија.
Со толкување на членот 2а од Законот за постапување со бесправно изградени објекти, подземните инсталации низ кои минуваат каблите за пренос на податочен сообраќај (интернет, ТВ и телефонија) стануваат предмет на национализација односно сопственост на државата.
Досега поставувањето на оваа инфраструктура била целосно на трошок на изведувачите и на операторите кои сега се соочуваат со можноста да изгубат директен пристап до каблите, а со тоа и да ја изгубат можноста за квалитетна и брза услуга кон граѓаните. За било каква интервенција, одложување на дефект, надградба на мрежа, операторите ќе мораат да добијат дозвола за пристап до каблите од државата што ќе доведе до драстично одолговлекување при интервенциите.
Ваквото толкување на членот од законот може да доведе до силна контрола врз интернет протокот и комуникација од страна на било која владеачка структура. Во исто време се загрозува и интересот на странските инвеститори и вложувачи во земјава кои поради нерегулираната и бавна администрација во доменот на урбанизацијата трпеа големи штети , а сега инвестираните средства на невообичаен начин им ги одзема токму државата.
Т.Ц.