Група млади биле нападнати и тепани без никаков повод вчера во 23.45 часот на улицата Јордан Мијалков во ресторанот „Златно буренце“.
Ф.Г.(21) од Скопје пријавил дека додека седел со друштво, без повод и причина од страна на група машки лица, биле нападнати со стаклени шишиња во пределот на главата и со тупаници во пределот на телото. Во еден момент лицата го извлекле Ф.Г. од објектот и продолжиле со нападот, а откако паднал на земја, побегнале во непознат правец. Од страна СВР Скопје се преземаат мерки за расчистување на случајот.