Пратеничката на СДСМ Снежана Ванчева Калеска во објава на Фејсбук му го згреши името на спикерот на украинскиот парламент Руслан Стефанчук, а истовремено го „прогласи“ за „привремен претседател на Украина“.
Пратеничката објави фотографија со претседателот на Врховната рада, но под неа напипа дека е сликана со „спикерот на украинската Врховна рада Олександар Турчинов“. Таа уште вели дека „тој воедно ја извршува привремено и функцијата претседател на Украина“.
Под нејзината објава се огласи Стефанчук за да ја коригира.
„Драга Снежана, драго ми е што се запознавме, но моето име е Руслан Стефанчук, јас сум спикер на украинскиот парламент, а претседател на Украина е Володимир Зеленски“ – ѝ напиша Стефанчук на пратеничката од Македонија.
По реакциите, пратеничката ја коригираше објавата и го поправи погрешеното име.