Се зголемува бројот на заболени од грип. Минатата недела се регистрирани повеќе од 1.000 заболени, вели д-р Владимир Микиќ од Институтот за јавно здравје.
Во ИЈЗ пристигнати биле 40 материјали за тестирање, а од нив 20 биле позитивни на грип.
Според Микиќ, во државава циркулираат три типа на вирусот – тип Б, АH1 и АH3, истите типови кои циркулираат во Европа.
„Од 14 пациенти кои биле хоспитализирани земен е материјал, а половина од низ се позитивни на грип. Тоа значи дека половина од пациентите биле хоспитализирани поради пневмонии, што се должи на грип. Сè уште ги обработуваме податоците во однос на критичните пациенти, бидејќи таков тип информации не ги добиваме преку редовниот надзор, туку преку јавување во болниците“, вели д-р Микиќ.