Денеска во Драчево носителот на Изборна единица 1, Ден Дончев на коалицијата
ВМРО за Македонија имаше повеќе средби со граѓаните на кои разговараше за
проблемите со кои се соочуваат секојдневно, Катастарот, стечајците од ОХИС.
Десет години жителите на Драчево, најмалку 3.000 семејства имаат проблеми
со катастарот, не можејќи да ги легализираат своите имоти за кои поседуваат
имотни листови.
Дончев изјави:
„Власта не ги решава основните и секојдневните проблеми на граѓаните, туку
огромните буџети ги троши на мегаломански проекти и споменици.
Микроекономијата и решавањето на основните проблеми на граѓаните ќе бидат
главен приоритет на ВМРО за Македонија.“
По средбите со граѓаните Ден Дончев положи цвеќе на споменикот
на бранителите во Драчево.