Демократската обнова за Македонија смета дека е логично барањето на студенскиот и професорскиот пленум да бидат директно вклучени во работните групи за изработка на законското решение за високото образование.
– Демократската обнова за Македонија го поттикнува Министерството за образование и наука да обезбеди сериозен третман за студентите и професорите во изработката на новиот Закон за високо образование. Во пресрет на утрешната средба на Министерството со двата пленума и УКИМ, многу е важно да постои добра волја и свесност дека се оди на преговори со интелектуалната елита на Македонија, која има рационални и јасно артикулирани барања, се вели во соопштението.