Носителите на листите и кандидатите за советници од редовите на ДОМ за скопските ооштини и Град Скопје денеска приготвуваа т.н. зелено мени.
Натпреварот беше симболична манифестација на заложбите на партијата за еднакви можности за сите, за мажите и жените, за елиминирање на родовата и секаква друга дискриминација, како и за социјална правда.
Претседателката на ДОМ, Лилјана Поповска ја потенцираше важноста на примената на еко-принципите во производството на здрава храна, стимулацијата на локалното земјоделско производство, како и важноста од здравата исхрана што подразбира користење на сезонски и локални, автохтони сорти на сите видови прехранбени продукти.
Присутните граѓани имаа можност да ги дегустираат приготвените менија.
