Демократската обнова на Македонија денеска го осуди нападот врз ЛГБТ заедницата што се случи во Старата Чаршија при прославата на две години од отворањето на Инфо центарот.
Партијата бара Министерството за внатрешни работи да ги открие и казни сторителите за напад од омраза.
– Со тоа ќе се прати јасна порака дека вакво однесување не е прифатливо и дека Македонија е дом на сите нејзини граѓани што ги почитуваат законите, независно од потеклото и сексуалната ориентација, се наведува во соопштението од ДПМ.