По повод почетокот на академската 2015-2016 година Универзитетот „Св. Кирил и Методиј“ организира доделување награди и пофалници на најдобрите дипломирани студенти во учебната 2012/2013 година и учебната 2013/2014 година.
Ќе биде доделена и наградата „26 јули” на најдобрите студенти во учебната 2014/2015 година од областа на архитектурата, општествените науки и уметностите, како и наградите од Фондацијата „Проф. д-р Димитар Стамболиев’.
– Почитувајќи ја речиси седум децениската традиција, со овој свечен чин, Универзитетот „Св. Кирил и Методиј“ во Скопје им оддава должно признание на најдобро дипломираните студенти на нашиот Универзитет за нивните успеси постигнати во текот на студирањето, се вели во соопштението од УКИМ.