Државниот секретар во Министерството за здравство Владимир Милошев попладнево се обрати на свеченото доделување сертификати по повод успешно завршената обука на здравствени работници за реанимација, транспорт и ретинопатија на новороденчиња, организирана во соработка со Турската канцеларија за развој и соработка-ТИКА.
Како што информира Министерството за здравство, Милошев истакнал дека обуката е дел од меѓусебната соработка со ТИКА, во насока на континуирана едукација на здравствениот персонал, што е од исклучително значење за унапредување на вештините и знаењата на здравствените работници, со посебен фокус на здравјето на новороденчињата.
Оваа обука е фокусирана на транспорт на новороденчиња и ретинопатија кај предвремено родени бебиња и очекуваме дека значително ќе придонесе кон зајакнување на овие капацитети во сите родилишта низ државата, посочил Милошев.