Ниту една претставка од политичките партии не е доставена до Општинската изборна комисија за спроведените локални избори во Штип.
Претседателката на комисијата Лидија Савиќ изјави дека изборот за градоначалник и за советници во Советот на општината поминале фер и демократски.
– Доверливиот материјал се чува во Општинската изборна комисија. Резултатите коишто ги сумиравме и конечно ги добивме во 5 часот изутрина веќе на 25 март беа објавени на огласната табла на Општина Штип. Приговори од политички партии и од носителите на независните листи немаме, истакна Савиќ.
Во Штип за градоначалник е избран Илчо Захариев од ВМРО-ДПМНЕ, а во Советот на општината влегуваат 14 советници од коалицијата „За подобра Македонија“ и девет советника од коалицијата „Сојуз за иднината“ предводени од СДСМ.