ЈП Паркинзи на општина Центар ги известува жителите на населбата Капиштец и корисниците на нивните услуги, чии договори се истечени или набрзо истекуваат дека најдоцна до сабота треба да ги обноват истечените договори. Треба повторно да аплицират за нова налепница за да може да ги користат поволностите што ги нуди ЈП Паркинзи на општина Центар.
Граѓаните за да го обноват истечениот договор потребно е да достават лична карта (оригинал на увид) и сообраќајна дозвола (оригинал на увид). Еднократниот надомест за обновување на истечен договор изнесува 100 денари. По обновување на истечениот договор се склучува нов во траење од една година.
Со обновување на договорот, граѓаните добиваат нова налепница со која ќе можат бесплатно да го паркираат својот автомобил на отворените паркинзи во зона 1 и зона 2.
Поволностите за бесплатен паркинг нема да може да се користат во 0 зона, на резидентните улици и паркиралишта, на јавните паркиралишта од затворен тип и во катната гаража „ Судска палата“.