Денеска на пладне продолжува собраниската седница на која ќе се дискутира и ќе се гласа за овата Влада.
Претседателот на Собранието Талат Џафери ги предупреди пратениците да дојдат на време, бидејќи нема да толерира доцнење.
„Димитар Стеванаџија е прв говорник утре и ако мисли да земе збор, да дојде на време. Да разберете дека по однос на времето сум прилично точен и не би сакал да дојдеме во ситуација да му одземам збор на тој што не дошол овде на време. Од утре да се знае, ако продолжуваме во 18 часот, продолжуваме во 18 часот. Да нема доцнења“, рече Џафери.
Според Деловникот седницата за избор на Влада трае 48 часа, што значи дискусиите треба да завршат пред полноќ, без разлика дали се уште има пријавено дискутанти и веднаш да се премине на гласање.
Владата е избрана доколку за неа гласале најмалку 61 пратеник. Се гласа комплетно за владиниот кабинет.