До крајот на месецов треба да тргнат на работа административците кои немаа работни места

Од:

Заокружен е трансферот на административните службеници вработени преку програмата К-5 во Министерството за политички систем, така што 1.349-те службеници, претежно економисти и правници, но и кадар со средно образование, се распределуваат во 237 институции, органи на државната и локалната самоуправа и други државни органи.

Првиот вицепремиер и министер за политички систем во Владата Артан Груби на денешната прес-конфереција соопшти дека листата на лица кои не беа распределени на работни места е прочистена, дека се направени претходни проверки и веќе се доделени некои отказни решенија, а некои лица сами поднеле барање да им се раскине договорот.

Најголем дел од овие 1.349 лица се распределени во Агенцијата за вработување – 20, во Агенција за заштита на лични податоци -30, Агенција за храна и ветеринарство -10, Агенција за катастар -29, Влада – СОЗР -12, Дирекција за заштита и спасување -10, Државен архив -12, Државен завод за статистика -15, Државен инспекторат за труд -12, државно правобранителство -74, ЈП Државни патишта -10, Клиничка болница Тетово -25, Болница Куманово – девет, Меѓуопштински центар за социјална работа Гостивар осум, МВР – 143, Државен пазарен инспекторат – 35, МЖСПП пет, Министерство за земјоделство – 21, МИОА – 11, МНР – 26, МОН – 11, Управа за водење на матични книги – 41, Министерство за транспорт и врски – 10, во МФ – 25, во имотно – правни – 10, во УЈП – 92, во Царинска управа – 74, Основен суд Тетово – 10, ЈО Тетово – 10, ПИОМ – 13, ФЗО – 22, ЦУК – 24 и итн.

– Во овој план нема само Албанци, туку има и Македонци, Роми,Турци, Срби и Бошњаци, рече Груби.

Првиот вицепремиер е убеден до крајот на следната недела ќе завршат со потпишување на актите за упатување бидејќи бројката е голема и мора да се почитуваат протоколите за заштита од Ковид-19 и дека овие луѓе ќе започнат со работа до крајот на јануари.

Овие лица, како што појасни Груби, нема да имаат право веќе да бираат друго работно место, туку ова е единствената опција. Тие ќе треба да дојдат во Министерството, да го подигнат упатното решение што веќе е потпишано од негова страна и да започне процедурата за префлување во другата институција во која се распределни.

– Ако по кој било основ некој од нив не дојде да го земе решението во рок од седум дена тогаш на сите нив им се укинува работното место во Министерството за политички систем и се ставаат на трансфер листа во МИОА каде што веќе изборот не може да биде нивен, рече Груби.

Тогаш, појасни тој, МИОА ќе им нуди слободно место доколку има, а ако тоа се одбие им се укинува работниот договор.

– Ветивме дека ќе го решиме ова прашање за шест месеци, го решивме за четири месеци, рече Груби.

Трансферот на вработените од Министерството за политички систем, како што објасни тој, се врши преку систематизација на работното место на исто ниво за кое работникот ги исполнува општите и посебните услови утврдени со актот за систематизација на работните места во институцијата во која е пренесен.

– Врз основа на планот за распределба, институциите ја одобруваат одлуката за систематизација на вработените додека раководните лица во институциите се должни да започнат постапка за усогласување на актите за систематизација на работните места во рок од 30 дена од одобрувањето на планот, рече Груби.

Министерството за финансии веќе дало целосна согласност за планот, додека МИОА е должно да даде согласност во рок од седум дена за промените во систематизацијата на институциите во кои се одвива трансферот на административните службеници. Органите на државната администрација во кои ќе бидат распределени административните службеници, се исто така должни да им овозможат стручна обука со цел да ги подобрат нивните знаења и вештини.

Би можело да ве интересира

За протоколите на прославата на годишнината од Рамковниот договор ќе се грижи Центарот за јавно здравје

Катерина Павлова-Николовска

Груби: Не ја разбирам хистеријата, прославата по повод 20 години од Рамковниот договор ќе се одржи со протоколи

Груби: Правилна е одлуката Мерко повторно да биде кандидат за градоначалник на Струга

Груби: Коалицијата на ДУИ и СДСМ за локалните избори е договорена и е апсолутен фаворит според анкетите

Груби договори заедничка седница на македонската и косовската влада

Жарко Настоски

Груби: Со употребата на албанскиот јазик не загуби никој, а се добија многу полојални граѓани

Ана Ололовска