Според последните информации од ОИК на Охрид и Дебрца, изборите и гласањето на територијата на двете општини се одвива непречено и без какви било нерегуларности.
Според Марика Костадиноска, претседател ОИК во Охрид, до 13 часот на гласање излегле 33,24 отсто од гласачите за парламентарните избори, додека нивниот број за претседателските изнесува 36,78 отсто.
Љубен Стојаноски, претседателот на ОИК во Дебрца, соопшти дека до 13 часот за избор на претседател гласале 36,78 отсто од гласачите, додека за новиот состав на Парламентот на РМ своето право го оствариле 37,75 проценти од впишаните лица со право на глас.