Спорните еко-кашички за бебиња повлечени од некои земји, кај нас воопшто ги нема во продажба, соопшти денеска ланецот маркети „ДМ“ во Македонија.
– Наведениот производ со спорниот рок на траење никогаш не бил испорачан во нашите дрогериии и никогаш не бил ставен во продажба за нашите потрошувачи, информира „ДМ“.
„ДМ“ ги замолува сите свои потрошувачи кои го имаат набавено производот со спорен рок на употреба во која било од земјите од каде што е повлечен, да не го конзумираат и да го вратат во „ДМ“ дрогериите во Македонија, без разлика дали е отворен или не. Спорниот производ ќе биде заменет со нов или средствата ќе им бидат вратени во целост.
Производот „babylove“ кашичка за бебиња од јагода, малина и јаболка, со нето-тежина 190 грама и рок на траење до 5 јули 2019 година, наменет за деца постари од четири месеци, е повлечен од продажба поради мерки на претпазливлост откако во примерок се пронајдени остатоци од средства за чистење кои содржат хлор.