Градоначалникот на општина Центар, Андреј Жерновски, веднаш реагираше на информациите на социјалните мрежи дека учителка од повисоките одделенија во ООУ „Димитар Миладинов“, без информирање на родителите, е префрлена за, како што се наведува, да предава на ќерката на претседателот на ВМРО ДПМНЕ, Никола Груевски.
Градоначалникот итно ја повика директорката во својот кабинет и побара официјално објаснување.
Во својот писмен допис, директорката објаснува дека оваа година родители и ученици пројавиле голем интерес за изучување на францускиот јазик. Од тие причини и споменатата наставничка, која предава француски јазик, била префрлена како наставник во прво одделение.
Во врска со пречекот пред училиштето, според директорката, ова било традиција во училиштето, и секогаш учениците од погорните одделенија ги пречекувале првачињата, и дека редот од ученици не бил поставен за лидерот на ВМРО-ДПМНЕ и неговото семејство.
Општина Центар и градоначалникот Андреј Жерновски ќе продолжат со испитување на случајот и за сите наоди ќе ја информираат јавноста.
Во прилог ви го доставуваме дописот од директорката на ООУ „Димитар Миладинов“.