Актуелниот и тројца поранешни директори на Дирекцијата за заштита и спасување се меѓу осомничените за трагедијата во кочанската дискотека „Пулс“ будејки оваа институција години наназад не правела никакви контроли не само во овој туку и во друите ноќни клубови и со тоа биле доведени во опасност граѓаните кои ги посетувале овие објекти, вели државниот обвинител Љупчо Коцевски.
– Постои сомнение дека тие постапиле спротивно на нивната должност предвидена во Законот за заштита и спасување и Законот за инспекциски надзор и целосно ги запоставиле своите надлежности не само во однос на овој клуб, туку и на останатите угостителски објекти во државата. Низ годините ниту еднаш согласно ризиците кои постоеле и кои морале да ги имаат во предвид, не спровеле мерки на набљудување, следење и инспекциски надзор над објекти кои вршат угостителска дејност-дискотеки и кабареа. Со своето неизвршување на должностите, спротивно на јавниот интерес, во целост го нарушиле системот за заштита и спасување и со тоа во континуитет ги изложиле граѓаните на опасност од непроверени и контролирани објекти од аспект на исполнувањето на потребните законски услови за безбедност, заштита од пожари и опасност по нивното здравје и живот, рече Кочевски.
Меѓу осомничените е и генерален инспектор во Дирекцијата за заштита и спасување.