Во рамките на Детската ликовна колонија „Св. Пантелејмон“, во знак на сеќавање и благодарност за учеството, учесниците се стекнаа со пригодни дипломи и благодарници.
Претседателот на Комисијата за јавни дејности при Советот на општина Карпош, Зоран Поповски им ги додели дипломите на учениците-уметници и им посака успешна понатамошна работа и достигнување до врвот на уметноста. Исто така, додаде Поповски, дружењето е едно од најважните чинови за успешно развивање на детството и понатамошното развивање на индивидуата.
Претседателот на Комисијата за култура при Советот на општина Карпош, Горан Михајлов, пак, им додели благодарници на менторите на учениците кои на креативен начин ги насочиле во светот на уметноста. Претседателот на Детскиот ликовен центар, Владимир Лазоски, додели благодарници за поддршката што општина Карпош ја дава веќе осми пат на оваа ликовна манифестација. Со благодарници се здобија градоначалникот на општина Карпош, Стевчо Јакимовски, шефот на кабинет, Петар Теов, раководителот на секторот за дејности од јавен интерес, Гордана Зафировска како и претседателот на Комисијата за јавни дејности при Советот на општина Карпош, Зоран Поповски.