На вечерашниот митинг на Сојузот за иднината во Битола, кандидатот за градоначалник, Менде Диневски му испрати пораката и на неговиот противкандидат, Владимир Талевски.
Овие луѓе не се дојдени поради страв или за дневница, тука вечерва овде се присутни битолчани, загрижени за иднината на своите деца. Ајде Талевски снимајте, бројте и пребројте, анализирајте што ви се случи вечерва во Битола. Ако сакаш да бркаш кашпадајлак, ќе ти кажам, плоштадот треба да се шири, ама нема ти да го шириш, туку ние заедно со битолчани, после 24 март, рече тој.
Битола стана град со рекордна сиромаштија, град во кој криминалот е во пораст, град во кој замре старата чаршија. Битола е општина во долгови, туризмот е во колапс. Гарантирам, Битола нема никогаш повеќе да доживее ваков неуспешен период. Затоа време е за промени, време е да живееме во општина во која достоинствено ќе се живее и ќе се старее – истакна Диневски.
Тој пред присутните ги изнесе проектите кои ги содржи неговата програма за посовремена и пофункционална Битола и ја побара нивната поддршка, за да може нив да ги реализира.
Градоначалникот Талевски и власта во последно време многу ме напаѓаат. Талевски, на сите твои слуги, директорчиња и полтрончиња им порачувам: да не ве лажи умот да ги заплашувате луѓето, да правите гласачки ливчиња. По 24 март ќе се соочите со лицето на правдата. Талевски, прва работа по 24 март ќе биде ревизија на твоето осумгодипшно работење. И бидејќи бегаш од дебати, јавно те повикувам на ТВ дуел, па да расчистиме – и и за мене и за Бранко, и за тебе и за Груевски – го повика Диневски својот противкандидат од владејачката партија.