– Во Ивана Туфегџиќ не го препознавам гласот на иселените, нивните родители или сиромашните, туку гласот на Сорос, рече Илија Димовски во реплика на Туфегџиќ која кажа дека ако викне со глас на иселените, нивните родители или сиромашните, озвучувањето во Собранието ќе попушти.
Претходно пратеничката од коалицијата на СДСМ и граѓанскиот сектор обвини дека одговорноста за тоа што младите си заминуваат од Македонија е на ВМРО-ДПМНЕ, чии пратеници цело време зборуваат за патриотизам и за тоа колку ја сакаат државата, а од друга страна се однесуваат неодговорно и опструираат избор за претседател на Собранието.
– Носите етичка, морална, политичка, а некои од вас и родителска одговорност. Опструирате да се говори за клучни теми, рече Туфегчиќ.
На тоа Димовски одговори дека во Куманово и Струмица имало најголем број на иселени лица и со пасоши од други држави и дека ако не било така, дури тогаш ќе прифател дека ВМРО-ДПМНЕ е одговорна за иселувањето.