Пратеникот на ВМРО-ДПМНЕ Илија Димовски, чија партија веќе девети ден ја опструира работата на Собранието побара од СДСМ „да не правеле политички притисок врз Собранието“.
– Пред да заврши расправата по третата точка не може да се премине на изборот на претседател на Собрание. Секогаш се бирала прво комисија, а потоа претседател, рече Димовски.
На тоа Спасовски одговори дека во моментов во Собранието политичко насилство прави малцинството врз мнозинството.
– Прочитајте ми член каде пишува дека треба да се исцрпи расправата за да се помине на друга точка. Ние не бараме од вас да ја прекинете оваа дебата, туку прво да се избере претседател на Собранието, а потоа може да дебатирате и на оваа точка, рече Спасовски.
Тој побара од пратениците на ВМРО-ДПМНЕ да не вршат упад врз деловникот и Собранието бидејќи за тоа немаат право.
Инаку Европската комисија доцна синоќа изнесе извештај во кој пишува дека политичкиот притисок врз Собранието го прави ВМРО-ДПМНЕ и нагласи дека Ѓорѓе Иванов со своите постапки ја покажува неговата партизираност.