СДСМ денеска прв пат после изборите, прифати дека се губитничка партија. Изборот на претседател да биде од ВМРО-ДПМНЕ и шесте члена не се добар гест на СДСМ, туку се правила и пракса која што во Собранието функционира 25 години, рече Илија Димовски.
Доколку СДСМ продолжи да го слуша гласот на народот кој протестира на улиците и се додека го прифаќаат фактот дека се губитничка партија на изборите, Собранието ќе функционира. Доколку се обидуваат со постизборна измама односно со редефинирање на државата да воведуваат нови правила и пракси во Собранието на РМ тогаш сите можности остануваат отворени. Излез од кризата може да се постигне само со нови избори, рече Димовски.
Тој кажа дека на конститутивната седница во понеделник ќе се избира само состав на Комисијата за прашања на изборите и именувањата, но не и претседател на Собранието.
Виктор Јованов