На самиот почеток на 32 седница, координаторот на една од пратеничките групи на ВМРО-ДПМНЕ, Илија Димовски на собраниската говорница ги повтори сите според него сторени прекшоци при процедурата за носење на законот за употреба на јазици. Тој побара стопирање на седницата и повикување на комисијата за мандатни и имунитетни прашања.
Димовски како еден од прекршоците го наведе поставувањето на европското знаменце на овој предлог закон за што смета дека е против законски односно се коси со Деловникот на Собранието на РМ.
Координаторот од ВМРО-ДПМНЕ напомена дека пратениците од неговата партија ги поднеле амандманите во согласност со Деловникот на Собранието и Уставот на РМ и затоа мора да бидат разгледани.
-Претседателот на државата укажува на Собранието дека законот за употреба на јазиците во 19 членови е не уставен. Пратениците од ВМРО ДПМНЕ поднесоа амамндани на тие 19 члена на кои претсеателот укажа дека се неуставни, вели Димовски. .
Тој потсети дека расправата во повторената постапка треба да се води според член 153 од Деловникот во кој се вели дека за секој амандамн се води претрес и се гласа одделно.
Виктор Јованов