Сите предизвици и проблеми ќе ги решиме со заедништво и единство, вака разговараа и се согласија младите Македонци, Албанци, Срби, Роми, Власи, Турци на средбата со пратеникот Максим Димитриевски.
Сите седнаа на заедничка маса, зошто целта е заедничка-подобар живот.
Разговарано е за актуелните случувања, за проектите на Владата за поквалитетно живеење, да не се подлегнува на провокациите за наводни кампови и вработувања на мигранти.
„Она што е најважно е да се биде меѓу своите граѓани. Јас сум со сите, без разлика на пол, вера и нација. На Куманово, на Македонија ѝ треба секој граѓанин. Затоа да не се делиме, туку соединуваме. Само така сме посилни и ќе имаме посветла иднина. Дајте да работиме сите заедно за подобар, поквалитетен и поубав живот во Куманово и во Република Македонија“, порача Димитривски.
